دوێنێ شه‌و چوارشەممە لە رێوڕەسمێكدا فێستیڤاڵی ساڵی نوێ لە هەولێری پایتەختی هەرێمی کوردستان لەژێر قەڵای هەولێر کرایەوە و بڕیارە ماوەی چەند رۆژێك بەردەوام بێت،
فێستیڤاڵەكە لەلایەن ساسان عەونی وەزیری شارەوانی و ئومێد خۆشناو پارێزگاری هەولێرکرایەوە و بڕیارە چەند ڕۆژێک بەردەوام بێت.
لە فێستیڤاڵەکەدا زیاتر لە 40 کۆشک و ستاندی كاسباكاران و كۆمپانیا ناوخۆییەكان دانراون و هەر یەکەیان خواردن و خواردنەوە و جلوبەرگ و کەلوپەلی دێرینی کوردەواری و بەرهەمەكانیان نیمایش دەکەن.
فێستیڤاڵی ساڵی نوێ لە هەولێری پایتەختی هەرێمی کوردستان لەلایەن سەرۆکایەتیی شارەوانیی هەولێر ئامادەکاری بۆ کراوە و ڕێکخراوە بۆ ئەو چەند ڕۆژەی پشووەکانی ساڵی نوێ بە مەبەستی پێشوازی لە گەشتیارانی عێراق و دانیشتووانی شاری هەولێر و شارەکانی تری هەرێمی کوردستان.