حووسییەکان لە یەمەن کە ئێران پشتیوانیان دەکات، بڵاویان کردەوە بە مووشەکی دەریایی کەشتی پینۆکیۆ-ی سەربە ئەمریکایان لە دەریای سوور کردووەتە ئامانج، لە بەجێگەیاندنی ئەرکەكانمان لە بارەی هاوکاریكردن و پشتیوانیکردنی گەلی فەڵەستین بەردەوام دەبن.
گوتەبێژی سەربازیی حووسییەکان، یەحیا سەریع لە هەژمارەکانی خۆی لە تێلێگرام و ئێکس ڕاگەیاندراوێكی لەبارەی هێرشەکە بڵاوکردەوە.
سەریع باسی لەوە کرد کە هێزەکانی دەریایی حووسییەکان بە مووشەک هێرشیان کردووەتە سەر کەشتی پینۆکیۆ-ی سەربە ئەمریکا.
یەحیا سەریع ئاماژەی بەوەیش کرد هێزەکانی سەربە حووسییەکان لە مانگی ڕەمەزاندا ئۆپەراسیۆنە سەربازییەکانیان زیاد دەکەن و لە بەجێگەیاندنی ئەرکە ئایینی و ئەخلاقی و مرۆییەکانیان لە بارەی هاوکاریكردن و پشتیوانیکردنی گەلی فەڵەستین بەردەوام دەبن.
هەروەها سەریع باسی لەوەیش کرد کە تا ئیسرائیل هێرشەکانی بۆ سەر کەرتی غەززە ڕادەگرێت و ئەو گەمارۆیەی خستوویەتیە سەر گەلی فەڵەستین هەڵدەگرێت، بەردەوام دەبن لەسەر هێرشەکانیان لە دەریای سوور و کەنداوی عومان.