قەتەر ڕایگەیاند، ڕێککەوتنی ئاگربەست لە غەززە سبەی یەکشەممە 19ی کانوونی دووهەم، کاتژمێر8:30 خوولەک بە کاتی ناوخۆیی دەچێتە واری جێبەجێکردنەوە.
گوتەبێژی وەزارەتی دەرەوەی قەتەر، ماجد ئەنساری لە تۆڕی کۆمەڵایەتی X بڵاوی کردەوە کە، ئاگربەست لە غەززە سبەی کاتژمێر 8:30 خوولەک بە کاتی ناوخۆیی دەچێتە بواری جێبەجێکردنەوە.
لە ڕاگەیاندراوەکەدا وێڕای ئاماژەکردن بە نێوەندگیری لە نێوان لایەنەکان، تێدا هاتووە، ئامۆژگاری براکانمان دەکەین کە خۆیان بپارێزن و بە وریاییەوە بجوولێنەوە و چاوەڕێی ڕێنمایی سەرچاوە فەرمییەکان بن.
ڕۆژی 15ی کانوونی دووهەم، ئیسرائیل و بزووتنەوەی حەماس لەسەر ئاگربەست لە غەززە و ئاڵوگۆڕی دیلەکان گەیشتە ڕێککەوتن.