فەرمانگەی میدیا و زانیاریی حكوومەتی هەرێمی كوردستان لە ڕاگەیاندراوێكدا ئاماژە بەوە دەدات، سەرۆكایەتیی ئەنجوومەنی وەزیران سێ ئۆتۆمبێلی جۆراوجۆر دەخاتە زیادكردنی ئاشكراوە.
ئەمڕۆ دووشەممە 20/1/2025، فەرمانگەی میدیا و زانیاری ڕاگەیاندراوێكی بڵاو كردەوە، تێیدا ئەوە خراوەتە ڕوو،سەرۆكایەتیی ئەنجوومەنی وەزیران، سێ ئۆتۆمبێلی جۆراوجۆر بەپێی یاسای فرۆشتن و بەكرێدانی موڵك و ماڵی دەوڵەت لە هەرێمی كوردستان – عێراق ژمارە 1ی ساڵی 2021 دەخاتە زیادكردنی ئاشكراوە.
باس لەوەش كراوە، زیادكردنەكە لە كاتژمێر 10ی بەیانیی ڕۆژی چوارشەممە 22/1/2025، لە هۆڵی 1ی شوبات بەڕێوە دەچێت.
ڕوونیش كراوەتەوە، هەر كەسێك ئارەزووی بەشداریكردنی هەیە، سەردانی سەرۆكایەتیی ئەنجوومەنی وەزیران/فەرمانگەی یاسایی/ بەڕێوەبەرایەتیی گرێبەستەكان و خانووبەرە بكات، بە ڕەچاوكردنی ئەم خاڵانە:
1– دانانی چەكی پەسندكراو بە بڕی حەوت ملیۆن دینار.
2– ڕسوومات و خەرجییەكانی بڵاوكردنەوەی ئەم ئاگادارییە دەكەوێتە ئەستۆی ئەو بەشداربووەی كە زیادكردنەكەی بۆ دەردەچێت.
3– فرۆشتنی ئۆتۆمبێلەكان بە شێوەی نەختینەیی دەبێت و دیناری عێراقی لە كڕیار وەردەگیرێت.
4– كڕیار پێویستە لە ماوەی پێنج ڕۆژدا ئۆتۆمبێلەكان بگوازێتەوە.
5– دەتوانن لە ڕۆژی بڵاوكردنەوەی ئەم ئاگادارییە ئۆتۆمبێلەكان لە شوێنی ئاماژەپێكراو ببینن.
6– وەرگرتنی ڕێژەی 2% لە كۆی فرۆشتنەكە زیاد دەبێت.