ئەمڕۆ یەکشەممە وەزیری دەرەوەی تورکیا، ھاکان فیدان سەردانێکی فەرمی بۆ بەغدا ئەنجام دەدات.
بەپێی زانیارییەکان، ھاکان فیدان لە چوارچێوەی سەردانەکەی بۆ بەغدا، بەجیا لەگەڵ سەرکۆماری عێراق، عەبدولـلەتیف ڕەشید و سەرۆکوەزیرانی عێراق، محەمەد شیاع سوودانی و وەزیری دەرەوەی ئەو وڵاتە، فوئاد حوسێن و بەرپرسانی باڵای دیکەی عێراق کۆدەبێتەوە.
چاوەڕوان دەکرێت، دوای کۆبوونەوەی ھاکان فیدان و فوئاد حوسێن، هەردوولا کۆنگرەیەکی ڕۆژنامەوانی ھاوبەش ساز بکەن.
لە دیدار و کۆبوونەوەکانی وەزیری دەرەوەی تورکیا لەگەڵ بەرپرسانی باڵای عێراق، ژمارەیەک پرسی گرنگ تاوتوێ دەکرێن، لەنێویاندا پتەوکردنی پەیوەندییەکانی نێوان ھەردوو وڵات.