فەرماندەیی هێزی دەریایی عێراق سێ بەلەمی دەوریەی وەرگرتووە کە تایبەتمەندی بەرز و هەیە بۆ پاراستنی ئاوەکانی عێراق بەپێی ئەو گرێبەستەی لەگەڵ کۆمپانیای کۆریایی ENM KOREA ئەنجامدراوە.
ئەمڕۆ دووشەممە، 27-1-2025، فەرماندەییەکە لە ڕاگەیەنراوێکدا بڵاویکردەوە، “فەرماندەی هێزی دەریایی سەرپەرشتی پشکنین و وەرگرتنی سێ بەلەمی دەوریەی لە بنکەی ئوم قەسر، ڕۆژئاوای بەسرە وەرگرتووە، کە بەگوێرەی گرێبەستەکە لەگەڵ کۆمپانیای ENM KOREA ئەنجامدراوە، دەشڵێت، بەلەمەکان تایبەتمەندی بەرزی هەیە بۆ پاراستنی ئاوەکانی خاکی عێراق.”
لە بەیاننامەکەدا جەخت لەوە کراوەتەوە کە ئەم بەلەمانە “توانای شەڕکردنیان هەیە.”
ئاماژەی بەوەشکرد، “ئەم بەلەمە دەوریانە بە نوێترین سیستەمی چاودێری و پەیوەندی ئەلیکترۆنی تەیارکراون، ئەمەش وایان لێدەکات کاریگەرتر بن لە پاراستن و دەستەبەرکردنی دەروازە نەوتییەکان و بازرگانییەکان.”