ئهڤرو ڕۆژا دووشهمبی ڕێكهفتی 27ێ كانوونا دووێ یا 2025 “د.عهلی تهتهر”پارێزگارێ دهوكێ ب كۆژمێ 9 ملیاڕ و 980 ملیون و 268 هزار دیناران چهندین پڕۆژهیێن خزمهتگوزاری بۆ قهزایێن شێخان و ئامێدیێ و سێمێلێ و چهندین گوند و دهڤهر و كۆمهڵگههێن سهر ب وان قهزا و ناحیان ڤه ڕهوانهی قوناغا بجهئینانێ كرن.
پڕۆژە ژێ پێکهاتنە ژ پڕۆژێن چێكرن و قێركرن و سهخبێركرن و تهمامكرنا چهندین جادهیان دگهل چێكرنا ڕێكێن گۆرستانا و پڕۆژێن سهخبێركرن و ڕۆناهیكرنا چهندین جادده و ئاڤاهیان و دابینكرنا كهلوپهل و كهرستهیێن روناهیێ و گوهورینا هێلێن كارهبێ و دابینكرن و سهخبێركرنا هێلێن كارهبێ لسهر فیدهرێن جوداجودا و دابینكرنا گوهوركا بۆ بارسفككرنا گهورێن كارهبێ و گههاندنا هێلێن كارهبا باردهوام و پڕۆژێن گوهارتن و چێكرنا تورێن ئاڤا فهخوارنێ و دروستكرنا ئاڤاهیێن خزمهتگوزاری و دانانا گهوركا و گههاندنا هێلن كارهبێ بۆ بهنداڤان.
ئهڤه ددهمهكێدایە كۆ ل حهفتیێن دهربازبویی و د چارچوڤێ بهرنامێ بهردهوام یێ ئاڤهدانیێ، پارێزگارێ دهوكێ ب كوژمێن جوداجودا چهندین پڕۆژێن دی یێن خزمهتگوزاری بو سهرجهم قهزا و ناحی و كومهلگههـ و دهڤهرێن ل سنورێ پارێزگهها دهوكێ ڕهوانهی قۆناغێن ب جهـئینانێ كرن.