نرخی زێڕ ئاستێکی مێژویی تۆمارکرد و ئۆنسەیەک گەیشتە 2856 دۆلار، شرۆڤەکارانی ئابوری پێشبینی دەکەن نرخی زێڕ تا کۆتایی ئەمساڵ بگاتە سێ هەزار دۆلار بۆهەر ئۆنسەیەک.
ئەمڕۆ چوارشەممە، لەسەرەتای کردنەوەی بازاڕە داراییەکان، نرخی زێڕ بەرێژەی 0.5% بەرزبوەوە و ئۆنسەیەک بە 2856.6 دۆلار مامەڵەی پێوەدەکرێت.
هاوکات، نرخی ئایندەی زێڕی ئەمەریکا گەیشتە 2875 دۆلار بۆهەر ئۆنسەیەک.
سەرهەڵدانی جەنگی ئابوری لەنێوان ئەمریکا و چین و کەنەدا و مەکسیک، بە هۆکاری سەرەکیی بەرزبوونەوەی بەرچاوی نرخی زێڕبۆ ئەمڕۆ دادەنرێت.
بازرگانان و شرۆڤەکارانی ئابوری، پێشبینی دەکەن لەساڵی 2025ـدا نرخی ئۆنسەیەک زێڕ بگاتە سێ هەزار دۆلار.