وەزیری دەرەوەی سووریا ئەسعەد شەیبانی ئەمڕۆ پێنجشەممە ١٣ شوباتی ٢٠٢٥، لە پاریس لەگەڵ “ژان نوێل بارۆ” وەزیری دەرەوەی فەڕەنسا کۆبووەوە و دوایین پێشهاتەکانی سووریایان تاووتوێ کرد.
ئەم دیدارە لە چوارچێوەی بەڕێوەچوونی کۆنفڕانسی پاریسە کە تایبەتە بە سووریا و ئەمڕۆ بە ئامادەبوونی وەزیرانی دەرەوەی وڵاتانی عەرەبی، ژمارەیەک وڵاتی ئەوروپی، وڵاتانی جی ٧ و هەروەها تورکیا و نوێنەرانی ئەمریکا و نەتەوە یەکگرتووەکان بەڕێوە دەچێت.