محەمەد کەمال، شارەزای کەشناسی ڕایگەیاند، شەپۆلێکی بەفر و باران و سەرما هەرێم و عێراق دەگرێتەوە و پێشبینی دەکەین لە سبەینێ پاش نیوەڕۆوە شەپۆلەکە بگاتە هەرێم و پلەی گەرما بۆ خوار 20پلە ژێر سفر دابەزێت، ئەمەش دەبێت یەکەمی شەپۆلی جەمسەری کە ڕوودەکاتە هەرێم.
ئاماژەی بەوەشدا، لەڕۆژانی 23 و 24 و 25 شەپۆلە توندەکە دەگاتە هەرێمی کوردستان و پێشبینی بەفر بارین بە ڕێژەی 1مەتر لە ناوچە شاخاوییەکان و نزیکەی 10 سم لە ناو سەنتەری شارەکان دەکەین.
دەشڵێت، بەهۆی ئەو شەپۆلە توندە بەتایبەت لە ڕۆژانی 23 و 24 و 25 بۆ پاراستنی گیانی قوتابیان و خوێندکاران داواکارین بکرێتە پشووی فەرمی لەسەرجەم ناوەندەکانی خوێندندا، هاوکات داواشدەکات ڕێگای سەر شاخ و چیاکان بگیرێت بۆ ڕێگرتن لە ڕووداوی نەخوازراو.
محەمەد کەمال موژدە دەدات و دەڵێت لەمانگی ڕەمەزاندا پێشبینی دەکەین ئاستی بارینی باران ڕێژەیەکی دڵخۆشکەر بێت و هاوکات پێشبینی دەکەین مانگی سێ بەگشتی مانگێکی پڕ باران و بەرەکەت بێت.