کرێی خانوو لە تاران ٥٠٪ گران بووە و داودی بەیگینەژاد، جێگری بەڕێوەبەری سەندیکانی مڵکەکانی شارەکەش دەڵێت، نەک تەنیا کرێنشینەکان بیر لە کڕینی خانوو ناکەنەوە، هەر بەگشتی کڕیاری خانوو لە بازاڕدا نەماوە.
پێشتریش بانکی ناوەندیی ئێران ڕایگەیاندووە، کرێی خانوو لە ناوەندی تاران و هەموو شارەکانی پارێزگاکە لە مانگی ئایاری ئەمساڵ بەراورد بە هەمان مانگی ساڵی ٢٠٢٣ لە نێوان ٤٧ بۆ ٥١.٦٪ زیادی کردووە.
بەپێی داتاکانی ئارشیڤی بانکی ناوەندی لە مانگی ئایاری ٢٠١٨ و پێش کشانەوەی ئەمریکا لە ڕێککەوتننامەی ئەتۆمی و گەڕاندنەوەی سزاکانی ئەو وڵاتە دژی ئێران لەلایەن دۆناڵد ترامپ، سەرۆکی ئەوکاتی ئەمریکاوە، نزیکەی ١٥ هەزار خانوو لە تاران فرۆشراوە، کەچی لە مانگی ئایاری ئەمساڵ کەمتر لە چوار هەزار خانوو لەو شارە فرۆشراوە.
