بڕیارە رەزامەندی قۆناغێکی دیکەی لیستی ناوی زەوی بۆ 35 هەزار فەرمانبەر و هێزەكانی ناوخۆ و خانەنشینان بگەڕێتەوە.
سەربەست مەولوود، سەرپەرشتیاری تیمی وردبینی و ڕێکخستنی فۆڕمی دابەشکردنی زەوی له وه‌زاره‌تی شاره‌وانی و گەشتوگوزار، ڕایگەیاند: “نووسراوی لیستی ناوی 35 هەزار فەرمانبەر و كارمەندی ناوخۆ و خانەنشینان بۆ تەرخانكردنی زەوی بۆ ئەنجومەنی وەزیران نێردراوە و بەمنزیکانە دەگەڕێتەوە.”
گوتیشی: “ئەمە قۆناغی چوارەمە، زیاتر ناوی وەزارەتی ناوخۆ و وەزارەتی تەندروستی و خانەنشینانی تێدایه.”