سەرچاوەیەکی ئەمنی ئاشکرای کرد، تەنیا لە پارێزگای بەغدا لە هەردوو بەری ڕەسافە و کەرخ، 64 حاڵەتی خۆکوشتن تۆمار کراوە.
دووشەممە، 28-4-2025، سەرچاوەیەکی ئەمنی بە میدیای ناوخۆی عێراقی ڕاگەیاند، لە 1-1-2025 تاوەکوو 1-4-2025، لە هەردوو بەری ڕەسافە و کەرخی بەغدا 64 حاڵەتی خۆکوشتن لە نێوان هەردوو ڕەگەز تۆمار کراوە.
ئاماژەی بەوەش کرد، “شێوازی خۆکوشتنەکان ‘سووتاندن و خۆ هەڵواسین و تەقەکردن و خۆ هەڵدانە خوارەوە لەبەرزایی بووە”.
ئەو سەرچاوەیە باسی لەوەش کرد، “بەری ڕەسافە زۆرترین حاڵەتی خۆکوشتنی تێدا تۆمارکراوە، کە 44 حاڵەت بووە، لەکاتێکدا بەری کەرخ 20 حاڵەتی خۆکوشتنی تێدا تۆمارکراوە.”