وەزارەتی دارایی خانەشینان، کەسوکاری شەهیدان و ئەنفالکراوان دڵنیا دەکاتەوە، کە سبەینێ دەوامی بانکەکان کراوە دەبن بۆ دابەشکردنی مووچەکانیان.
هەینی 16ـی ئایاری 2025، بەڕێوبەرایەتیی گشتیی بانکە بازرگانییەکانی سەر بە وەزارەتی دارایی و ئابووری حکوومەتی هەرێمی کوردستان، لە ڕاگەیەندراوێکدا خانەنشینان، کەسوکاری شەهیدان و ئەنفالکراوان، لەبارەی مووچەکانیان دڵنیا دەکاتەوە.
بەڕێوبەرایەتیی گشتیی بانکە بازرگانییەکان، ئاماژەی بەوە کرد، سبەینێ شەممە دەوامی سەرجەم ئەو بانکانە کراوە دەبن کە ئەرکیان دابەشکردنی مووچەی خانەنشینان، کەسوکاری شەهیدان و ئەنفالکراوانیان لە ئەستۆ دایە.
سێشه‌ممه، 13ـی ئایاری 2025، وەزارەتی دارایی و ئابووری حکوومەتی هەرێمی کوردستان لیستی مووچەی مانگی نیسانی فەرمانبەرانی هەرێمی کوردستانی بڵاو کردەوە، بەپێی لیستەکە، ڕۆژی یەکشەممە ( 18ـی ئایاری 2025 ) کۆتایی بە دابەشکردنی دێت.