حوسییەکانی یەمەن ڕایگەیاند، بە دوو مووشەکی بالیستی هێرشیان کردووەتە سەر فڕۆکەخانەی نێودەوڵەتی بن گوریۆن لە تەلئەڤیڤ، ئەمەش دوای چەند کاتژمێرێک لە هێرشی فڕۆکەی بێفڕۆکەوان ئیسرائیلییەکان هات.
یەکشەممە، 18ـی ئایاری 2025، حوسییەکانی یەمەن ڕاگەیەندراوێکیان بڵاوکردەوە تێیدا هاتووە، “هێزە چەکدارەکانی یەمەن ئۆپەراسیۆنێکی سەربازیان کرد و هێرشی مووشەکیان کردە سەر فڕۆکەخانەی “ئەل لۆدی” کە بە ئیسرائیلی پێی دەڵێن فڕۆکەخانەی بن گوریۆن.
ئاماژە بەوەش کراوە، هێرشەکەیان بە دوو مووشەکی بالیستی کردووە، کە یەکێکیان مووشەکی هایپەرسۆنیکی فەڵەستین 2 بووە، ئەوی دیکەشیان مووشەکی “زولفیقار” بووە.
لە ڕاگەیەندراوەکەدا هاتووە “سەرلەبەیانی دوێنێش هێزە چەکدارەکانی یەمەن ئۆپەراسیۆنێکیان بە فڕۆکەی بێ فڕۆکەوان کردە سەر فڕۆکەخانەی ئەل لۆدی.”