ئەمڕۆ و سبەی كەمێك تۆز هەوادا دەبێت

بەشی پێشبینیی كەشوهەوا لە وەزارەتی گواستنەوە و گەیاندنی حكوومەتی هەرێمی كوردستان، پێشبینییەكانی كەشوهەوای 48 كاتژمێری داهاتووی بڵاو كردەوە.

ئەمڕۆ دووشەممە 19/5/2025، بەشی پێشبینیی وەزارەتی گواستنەوە و گەیاندن پێشبینییەكانی كەشوهەوای بۆ 48 كاتژمێری داهاتوو بڵاو كردەوە و ئاماژەی بەوە داوە، ئەمڕۆ، ئاسمان ساماڵ و پەڵە هەور دەبێت، ئەگەرى هەبوونی كەمێك تۆز لە هەوای هەندێك ناوچەی باشووری هەرێمی كوردستان هەیە.

ئەوەش خراوەتە ڕوو، سبەی سێشەممە 20/5/2025، ئاسمان ساماڵ و پەڵە هەور دەبێت، كەمێك تۆزیش لە هەوادا دەبێت، كاریگەرییەكەشی لە ناوچەكانی باشووری هەرێمی كوردستان زیاتر دەبێت.

بەرزترین پلەی گەرمیی پێشبینیكراوی سبەی:

هەولێر: 37 پلەی سیلیزی

سلێمانی: 34 پلەی سیلیزی

دهۆک: 34 پلەی سیلیزی

کەرکووك: 37 پلەی سیلیزی

زاخۆ: 34 پلەی سیلیزی

هەڵەبجە: 37 پلەی سیلیزی

سۆران: 33 پلەی سیلیزی

حاجی ئۆمەران: 23 پلەی سیلیزی

گەرمیان: 40 پلەی سیلیزی