ئیمارات و سعوودیە رایانگەیاند کە مانگی هیلالی ذوالحجە بینراوە. سبەی چوارشەممە یەکەم رۆژی مانگ دەبێت و جەژنی قوربانیش دەکەوێتە رۆژی هەینی ٦ی حوزەیران.
ئاژانسی هەواڵی ئیمارات و دادگای سەرۆکایەتی سعوودیه رایانگەیاند، ئێوارەی ئەمڕۆ مانگی هیلالی ذوالحجە بەشێوەیەکی یاسایی بینراوە. بەم شێوەیە سبەی چوارشەممە دەبێتە یەکەم رۆژی ذوالحجەی ساڵی ١٤٤٦ی کۆچی کە هاوتایە لەگەڵ ٢٨ی ئایاری ٢٠٢٥ی زاینی و رۆژی هەینی ١٠ی ذوالحجە کە هاوتایە لەگەڵ ٦ی حوزەیرانی ٢٠٢٥ی زایینی، یەکەم رۆژی جەژنی قوربان دەبێت.