بەرپرسێکی وەزارەتی دەرەوەی ئەمریکا دەڵێت، رێکەوتنەکانی ئەم دواییەی حکومەتی هەرێمی کوردستان لەگەڵ کۆمپانیاکانی ئەمریکی بۆ پەرەپێدانی بەرهەمهێنانی گازی سروشتی، هەنگاوێکی گرنگه بۆ چارەسەرکردنی کەم و کورتییە درێژخایەنەکانی کەرتی وزەی عێراق و داوای لە بەغدا و هەولێر کرد کە پەلە بکەن لە هەماهەنگی بۆ خێراکردنی جێبەجێکردنی ئەم پڕۆژانە و بەهێزکردنی سەربەخۆیی وزەیی عێراق.
بەرپرسێکی وەزارەتی دەرەوەی ئەمریکا بە ئاژانسی شەفەق نیوزی راگەیاند: :ئەمریکا پێیوایە کە عێراق زیاتر سەقامگیر و خاوەن سەروەری دەبێت لەڕێگەی سەربەخۆیی لە کەرتی وزە و دوورکەوتنەوە لە کاریگەری زیانبەخشی ئێران.”
هەروەها گوتی: :رێکەوتنەکانی ئەم دواییەی لەلایەن سەرۆکی حکومەتی هەرێم لەگەڵ کۆمپانیاکانی ئەمریکی بۆ فراوانکردنی بەرهەمهێنانی گازی سروشتی واژۆ کران، پشتگیری لەم ئامانجە دەکەن.” ئاماژەی بەوەش کرد، “ئەم پرۆژانە، چ لە هەرێم یان لە ناوچەکانی دیکەی وڵات، بە قازانجی هەموو عێراقییەکانە، بەتایبەتی لە کاتێکدا کە قەیرانی کارەبا بەردەوامە.”
بەرپرسە ئەمریکییەکە دەڵێت: “بەغدا و هەولێر هان دەدەین پێکەوە کار بکەن بۆ دەستپێکردنی بەرهەمهێنانی گاز بەزووترین کات.”