راوێژکاری سەرۆک وەزیرانی عێراق ئاشکرای کرد، له سەرەتای مانگی داهاتووەوه له دامودەزگا حکومییەکان چیتر پارەی کاش وەرناگیرێت.
ساڵح سولەیمان، راوێژکاری سەرۆک وەزیرانی عێراق گوتی: لە سەرەتای مانگی داهاتوودا پارەدان بە کاش لە دامودەزگا حکومییەکان قەدەغە دەکرێت.
راشیگەیاند، حکومەت کۆمپانیای ئێرنست ئەند یۆنگی راسپاردووە بۆ دووبارە داڕشتنەوەی بانکە حکومییەکان و پێشبینی دەکەین تا کۆتایی ئەمساڵ پلانی داڕشتنەوە تەواو بێت و لەلایەن حکومەتەوە پەسەند بکرێت.
دەشڵێت، عێراق پێشکەوتنی بەرچاوی بەدەستهێناوە لە سیستەمی پارەدانی ئەلیکترۆنی و ئێستا ژمارەی هەژمارە بانکیەکان بۆ 23 ملیۆن زیادی کردووە.
ئاشکراشی کرد، ئێستا عێراق لەگەڵ نزیکەی 30 بانکی بیانی هاوکاری دەکات.
