گۆڤاری “فۆربس” هۆشداری دەدات لە وشکەساڵییەکی بێ وێنه له عێراق و ناوچەکەی گرتووەتەوە کە مەترسییەکی گەورەیە بۆ کشتوکاڵ، ژیان و سەقامگیری کۆمەڵایەتی.
بەگوێرەی راپۆرتی گۆڤاری فۆربس، ئاوی عێراق کە پشت بە دیجلە و فورات دەبەستێت، ئێستا رووبەڕووی قەیرانێکی ئاوی بێوێنە بووەتەوە، چونکە یەدەگی ئاو بۆ 10 ملیار مەتر سێجا کەمبووەتەوە کە نیوەی پێویستی هاوینە (١٨ ملیار) و کەمترە لە ٢٠ ملیاری ساڵی پار.
له راپۆرتەکەدا هاتووه هۆکارەکان بریتین لە کەمی بەردانەوەی ئاوی رووبارەکان بەهۆی بەنداوەکانی تورکیا و ئێران، کەمی باران و بەرزبوونەوەی پلەکانی گەرما.
خراپ بەڕێوەبردنی سەرچاوە ئاوییەکانیش قەیرانەکەی قووڵتر کردووە، هەرچەنده عێراق بە دیپلۆماسیەتەوە لەگەڵ تورکیا رێککەوتنێکی 10 ساڵەی واژۆ کردووە بۆ بەڕێوەبردنی ئاو و پرۆژەیەکی 39 ملیۆن دۆلاریی لەگەڵ “فاو” دەستپێکردووە بۆ بەهێزکردنی کشتوکاڵ لە کەربەلا، نەجەف و موساننا، کە کەوتوونەته بەر کاریگەریی توندی وشکەساڵی.