ئەندامی لیژنەی دارایی پەرلەمان، مستەفا ئەلگەرعاوی، دەڵێت، حکومەتی ئێستا بە سەرۆکایەتی سوودانی پابەند نەبووە بە رێنماییەکانی یاسای بودجەی فیدراڵی، ئەمەش بەهۆی بڕگەی پابەندکەرەوە لە بودجەدا کە بریتین لە زیادکردنی پاداشت و پلەبەرزکردنەوە و حیسابکردنی بڕوانامە و گواستنەوەی فەرمانبەران، خستوویەتیە دۆخێکی سەختەوە.
مستەفا ئەلگەرعاوی بە شەفەق نیوزی راگەیاند، وەزارەتی دارایی لە سەرەتای ساڵی داراییدا رێنمایی داوە بۆ راگرتنی پاداشت و پلەبەرزکردنەوە تا ئەو کاتەی خشتەی بودجەی ساڵی ٢٠٢٥ پەسەند دەکرێت، له کاتێکدا ئامادەکردن و پێشکەشکردنی خشتەکانی بودجه بە پەرلەمان دواکەوتبوو، ئەمەش پێشێلکارییەکی ئاشکرای یاساکەیه.
ئاماژەی بەوەشکرد، پاداشت و پلەبەرزکردنەوە یەکێکە لە ئەرکە یاساییەکانی حکومەت، بەڵام پێویسته وەزارەتی دارایی گشتاندنەکەی پێشوو سەبارەت بە راگرتن و نەبەستنەوەی پاداشت و پلەبەرزکردنەوە لە خشتەی بودجە هەڵوەشێنێتەوه و ئەمە کاریگەری لەسەر خەزێنەی دەوڵەت نابێت.