سەرۆکی شارەوانی سلێمانی، لیژنەکانی دابەشکردنی زەوی و کوژاندنەوە و جیاکردنەوە كۆ دەبنەوە و جەخت دەكرێتەوە لە ئایندەیەکی نزیکدا دوای تەواوبوونی رێکارەکان دەست بە دابەشکردنی زەوی بكرێت.
بەپێی راگەیاندراوێكی سەرۆكایەتیی شارەوانی سلێمانی، ئەمڕۆ17/7/2025، سەرۆكی شارەوانی لەگەڵ لیژنەکانی دابەشکردنی زەوی و کوژاندنەوە و جیاکردنەوە كۆ بووەوە.
ئاماژە بەوە دراوە: “لە میانەی کۆبوونەوەکەدا تاوتوێی هۆکارەکانی دواکەوتنی رێکارەکانی تیروپشکی زەوی فەرمانبەران بۆ هەندێک كەموكوڕی وەكوو ستاف و تیمی پێویست لە فەرمانگەکان کرا.”
ئەوەش هاتووە: ” لیژنە پەیوەندیدارەکان ئاماژەیان بەوەدا کە چاوەڕێی وەڵامی ئەو فەرمانگانەن کە نووسراویان ئاڕاستە کراوە بەپێی پەیوەندییان وە بەپێی یاسا و رێنماییەکان پێویستە کارەکان تەواوبکەن و وەڵامی شارەوانی بدەنەوە بەڵام بەهۆی ئەم بارودۆخەی لە ئێستادا هەیە فەرمانگەکان وەک پێویست وەڵامیان نەداوەتەوە ئەمەش هۆکارێکە بۆ ئەوەی وەک پێویست کارەکان ئەنجام نەدرێت.”
بەپێی راگەیاندراوەكە: ” جەخت کرایەوە لەسەر زوو تەواوکردنی رێکارەکان تاوەكوو لە ئایندەیەکی نزیکدا دوای تەواوبوونی رێکارەکان دەست بکرێت بە دابەشکردنی زەوی.”