دوو بەرپرسی باڵای ئۆکرانیا بەهۆی گەندەڵی لە کڕینی درۆندا لە پۆستەکانیان دوور خرانەوە

ڤۆلۆدیمیر زێلێنسکی بڕیارێکی واژۆکرد کە دوو بەرپرسی باڵای ناوچەکە بەهۆی گەندەڵی لە کڕینی فڕۆکەی بێفڕۆکەواندا لە کارەکانیان دوورخستەوە.
بەپێی ئەو بەڵگەنامانەی بڵاوکراونەتەوە، ڤۆلۆدیمیر زێلێنسکی بڕیارێکی واژۆکردووە، کە هەریەک لە سێرگی گایدای بەرپرسی کارگێڕی ناوچەی موکاچێڤۆ و ئەندری یورچینکۆ بەرپرسی ئیدارەی سەربازی شاری ڕوبیجانسکی لە پۆستەکانیان دوورخراونەتەوە.
هاوکات نووسینگەی نیشتمانی دژە گەندەڵی ئۆکرانیا، دەستگیرکردنی ئەلێکسی کوزنتسۆڤ، ئەندامی پەرلەمانی پارتی خزمەتکاری گەلی ڕاگەیاند، بە تۆمەتی تێوەگلان لە گەندەڵیەک کە لە کڕینی فڕۆکەی بێفڕۆکەوان و کەرەستەی جەنگی ئەلیکترۆنی بۆ هێزە چەکدارەکانی ئۆکرانیادا کراوە، دۆسیەکە سەرۆکی بەشە سەربازییە ناوخۆییەکان و چەند کارمەندێکی سەربازیش دەگرێتەوە.
لە 26ـی حوزەیران، ئەنجامی ڕاپرسییەک کە لەلایەن سەنتەری توێژینەوەی کۆمەڵایەتی SOCIS ئەنجامدرا، کە بەگوێرەی ڕاپرسییەکە، 48.5%ی هاووڵاتیانی ئۆکرانیا پێیان وایە ئاستی گەندەڵی بەرزبووەتەوە و زۆرترین کاریگەریی نەرێنی لەسەر دۆخی ئەو وڵاتە هەیە، هەروەها لە 65%ـی بەشداربووانی ڕاپرسییەکە ئاماژەیان بەوە کردووە هۆی سەرەکی گەندەڵی بودجە لە ئەستۆی دەسەڵاتدارانی ئۆکرانیایە.
چەند ڕۆژێک لەمەوبەر، ڤلادیمێر پوتن، سەرۆکی ڕووسیا لە لە دوورگەی ڤالام بە ڕۆژنامەنووسانی گوت: “دامەزراوەی نیشتمانی دژە گەندەڵی کیێڤ، لە ساڵی 2015ەوە دامەزراوە، ئەمڕۆش لە ساڵی 2025 داین، تاوەکوو ئێستاش گەندەڵی لە ئۆکرانیادا بەربڵاوە، بەڵێ، گەندەڵی لەوێ بەربڵاوە، بەڵام پرسیارەکە ئەوەیە، سوودی ئەم ئۆرگانە چییە؟ وەڵامەکە ئەوەیە، هیچ.”