لێژنەیەكی پەرلەمانی عێراق، لێكۆڵینەوە لە كەوتنی پردەكەی كەربەلا دەكات.
بەپێی راگەیاندراوێكی پەرلەمانی عێراق، سەرۆكی پەرلەمانی عێراق لێژنەیەكی پێنج كەسی پێكهێناوە بۆ لێكۆڵینەوە لە كەوتنی پردەكەی كەربەلا.
ئێوارەی رۆژی شەممە ٦ی ئەیلوولی ٢٠٢٥، پردێك لە دەروازەی ناوچەی عتێشی لە كەربەلا كە هێشتا تەواو نەكرابوو، بەسەر چەند ئۆتۆمبێلێكدا رووخا و بەهۆیەوە چەندان كەس بوونه قوربانی و زیانێكی زۆریشی لێ كەوتەوە. ئەم رووداوە بووەتە هۆی كاردانەوەی سیاسەتمەدار و چالاكانی سیاسی.
بەپێی راگەیاندراوەكەی پەرلەمانی عێراق، لێژنە پەرلەمانیەكە دەبێت لە ماوی چوار رۆژدا راپۆرتی خۆیان پێشكەش بە سەرۆكایەتیی پەرلەمان بكەن.