ویلایەتە یەکگرتووەکانی ئەمریکا بە فەرمی دەکەوێتە دۆخی ئیفلیجی فیدراڵییهوه له دوای ئەوەی کۆنگرێس شکستی هێنا لە پەسەندکردنی پڕۆژەیاسای بودجەی فیدراڵی
ویلایەتە یەکگرتووەکانی ئەمریکا، لە بەرەبەیانی چوارشەممەدا 1ى 10ى 2025، چووە ناو دۆخی ئیفلیجی فیدراڵی، دوای ئەوەی کۆنگرێس شکستی هێنا لە پەسەندکردنی درێژکردنەوەیەکی بودجە، ئەمەش دەبێتە هۆی وەستاندنی کار لە زۆرێک لە وەزارەت و دەزگا فیدراڵییهكان و کارمەندەکانیش ناچار دەکرێن مۆڵەتی زۆرەملێ وهربگرن.
ئەم داخستنەی حکوومەت، کە یەکەمجارە لە ماوەی نزیکەی ٧ ساڵدا ڕوودەدات، کاتێک وڵاتەکە درێژترین ماوەی داخستنی لە مێژووی خۆیدا بەخۆوە بینی (ئەو کاتە ٣٥ ڕۆژی خایاند)، دوای ئەوە هاتە کایەوە کە کۆمارییەکان شکستیان هێنا لە درێژکردنەوەی بودجەی حکوومەت بۆ دوای ڕۆژی سێشەممە، کە کۆتایی ساڵی داراییە لە ویلایەتە یەکگرتووەکانی ئەمریکا.
پێشبینی دەکرێت نزیکەی 750 هەزار کارمەندی فیدراڵی ناچار بن مۆڵەتی کاتی وهربگرن، لەگەڵ ئەگەری ئەوەی هەندێکیان لەلایەن ئیدارەی سەرۆک دۆناڵد ترامپەوە، لهكارهكانیان دەربکرێن.
ههروهها زۆرێک لە نووسینگەکان دادەخرێن، و ڕەنگە بۆ هەمیشەیی بێت، لە کاتێکدا ترامپ بەڵێن دەدات “شتگەلێک بکات کە ناتوانرێت لێی پاشگەز ببنەوە، ههرچهنده زیانبەخشن” وەک جۆرێک لە سزا.
پێشبینی دەکرێت کاریگەرییە ئابوورییەکان بەسەر هەموو وڵاتدا بڵاوببنەوە.
لهگهڵ ئهوهشدا شهوى ڕابردوو ترامپ لە کۆشکی سپی، گوتی: “نامانەوێت حکوومەت بوەستێت”.
بهپێی ماڵپهرى (سكای نیوز) دۆناڵد ترامپ ئەم هەفتەیە بە نهێنی لەگەڵ سەرکردەکانی کۆنگرێس کۆبووەوە، وادیاره نەیتوانی هیچ ڕێککەوتنێک لە نێوان دیموکراتەکان و کۆمارییەکاندا بەدەست بهێنێت بۆ خۆدهربازكردن لەم سیناریۆیە.
هاوكات كونسوڵخانهى ئهمریكا له ههولێر له پۆستێكدا نووسیویهتى: “بههۆى ڕاگرتنى خهرجییهكان، ئێمهش له فهیسبووك پۆست ناكهین”. هاوكات دهنگۆى ئهوهش ههیه كه باڵوێزخانهى ئهمریكا له بهغدا، كارهكانى خۆى به شێوهیهكی كاتى ڕاگرتووه.