نەعیم ئەلعەبوودی، وەزیری خوێندنی باڵا و توێژینەوەی زانستیی عێراق، ژمارەی قوتابییه بیانییەکانی راگەیاند کە لە زانکۆکانی عێراقدا دەخوێنن، کە ژمارەیان زیاترە لە ٥ هەزار.
ئەلعەبوودی گوتی: “دەستکەوتەکانی وەزارەتی خوێندنی باڵا بەردەوام بوون، سەرەتا بە پەسەندکردنی پرۆسەی پۆلۆنیا بۆ راکێشانی قوتابیی بیانی”، هەروەها گوتی: “ئێستا زیاتر لە ٥ هەزار قوتابیی بیانی لە 47 وڵاتەوە لە زانکۆ و کۆلێژەکانی عێراقدا دەخوێنن لە قۆناغە جیاوازەکانی بەکالۆریۆس، ماستەر و دکتۆرادا.”
ئاماژەی بەوەشدا: “وەرگرتنی قوتابیی بیانی لە زانکۆ و پەیمانگاکانی عێراق پێش ساڵی 2003 تەنها بۆ هەندێک رەگەزنامە سنووردار بوو، بەڵام ئێستا لە رەگەزنامەی جیاوازی هەموو جیهانن.”
عەبوودی ئاشکراشی کرد کە “10 کۆلێژی زیرەکی دەستکرد (AI) لە زانکۆکاندا کراونەتەوە، بۆ ئەوەی کۆلێژە عێراقییەکان ببنە لانکەی داهێنان و پێشکەوتنی دیجیتاڵی و هەماهەنگ بن لەگەڵ گۆڕانکارییە گەورەکانی جیهاندا.”