بەربژێرەکێ پارتی: ئێکەم بەرنامێ مە ئێکرتنا مالا کوردییە بەریا چونامە بۆ بەغدا، چۆنکە سیاسەتا پارتی و سەرۆک بارزانییە.
حبیب حاجی گوللی بەربژێرێ ژمارە 12لسەر لیستا 275یا پارتی دیموکراتی کوردستان بۆ ئاژانسا زاگرۆس راگەهاند: ئێکەم بەنامێ مە ئێکرتنا مالا کوردییە بەریا چونامە بو بەغدا، چۆنکە سیاسەتا پارتی و سەرۆک بارزانییە دڤێت لایەنێت سیاسی یێن کوردستانی ئێگرتی و ئێک دەنگ و لژێر ئێک دوروشمێ سیاسی بچینە بەغدا بو هندێ ئەم بشێن داخازیێن مڵلەتی خو بەینە پەرڵەمانی دیڤ دستوری و یاسایی، و تایبەت مافێن دستوریی و یاسایی یێن قەوارەیا هەرێما کوردستانێ ئەو ژی حەقێ مڵلەتێ مەیە.
گوللی دیار ژی کر: دێ کارکەین بۆ دامەزراندنا وان قوتابیێت ل 2014ساڵا حەتا 2025ساڵا پێخەمەت سیاسەتا خەلەت یا حکومەتا عێراقێ و برینا بۆچەیێ هەرێما کوردستانێ ئەو ژی بویە ئەگەر بو نە دامەزراندنا وان دەرچویا کو مافەکێ وان یێ یاسایی یە .
حبیب گوللی زێدەتر بۆ ZNA گۆت: ب رشدی دێ کارکەین بۆ قەرەوبوکرنا وان گوندێن وێران کری لسەر دەستێ حکومەتێن ئێک ل دیف ئێکێن عێراقێ هەروەسا قەرەبوکرنا ئەنفاکری و جینوسایدا و زیندانیێت سیاسی، دێ بینە نوێنەرێن راستەقینە یێن گەلێ کورد.