وەزارەتی نێوخۆی سووریا ڕایگەیاند، بەشی بەرەنگاربوونەوەی ماددە هۆشبەرەکان لە پارێزگای حومس دەستی بەسەر بڕێکی زۆر ماددەی هۆشبەردا گرتووە، کە ١١ ملیۆن حەبی کاپتاگۆنی لەخۆ گرتبوو و بە قاچاخ لە لوبنانەوە هێنرابووە سووریا.
بەپێی ڕاگەیاندنی وەزارەتی نێوخۆی سووریا، ئەو بارە لە ڕێگەی ئۆتۆمبێلێکەوە لە لوبنانەوە بە قاچاخ دەربازی سووریا کرابوو و لە حومس دەستی بەسەردا گیرا. ئەمە لە کاتێکدایە کە لە ١٦ی ئەم مانگەدا، وەزارەتەکە ڕایگەیاندبوو بەشی بەرەنگاربوونەوەی ماددە هۆشبەرەکان لە شاری دیمەشق، تۆڕێکی تایبەت بە فرۆشتن و بازرگانیی ماددە هۆشبەرەکانیان دەستگیر کردبوو. لەو ئۆپەراسیۆنەدا، دەستیان بەسەر ١٨٥ هەزار و ٨٨٢ حەبی کاپتاگۆندا گرتبوو کە هەوڵ دەدرا لە شار و شارۆچکەکانی سووریادا بڵاوبکرێنەوە.