لەسەر بودجەی پارێزگای هەولێر، دەستكرا بە پڕۆژەی درێژکردنەوە و دانان و گۆڕینی تۆڕی ئاو لە شەقامی مەلا عوزێر تاکو شەقامی کەرکوك لە گەڕەکی مەنتکاوە لەلایەن تیمەکانی ئاوی هەولێر .
پڕۆژەكە پێكهاتووە لە دانانی بۆڕی بە درێژی (620) مەتر لە جۆری پۆلی ئەثیلین (160) ملم و (100) مەتر بۆڕی لە جۆری پۆلی ئەثیلین (90) ملم ، لە ئێستادا کارەکانی ئەم پڕۆژەیە بەکۆتا هاتووە و بە نزیکەی (300) هاوبەشی ئاو سودمەند بوون .
