بەربژارا ژمارە 20 یا پارتی راگەهاند: کو بەرنامەیێ وێ یێ هەلبژارتنێ ب شێوەیەکێ سەرەکی دێ تیشکێ ئێختە سەر پێشڤەبرنا کەرتێ کشتوکاڵێ ل دەڤەرا نەینەوا یا کو ب “سەبەتکا خوارنێ یا عیراقێ” دهێتە ناسین، و هەروەسا پشتەڤانییا چینا گەنجان و ئافرەتان.
رەشا تالب وەهەب بەربژارا ژمارە 20 ل سەر لیستا 275 یا پارتی دیموکراتی کوردستان ل بازنێ نەینەوا بۆ جڤاتا نوێنەرێن عیراقێ تایبەت بۆ ئاژانسا نووچەیا زاگرۆس ئاخڤت و دیار کر کو ژبەر سروشتێ دەڤەرا نەینەوا و ژیارا زۆربەیا خەلکێ وێ ل سەر چاندنێ، پشتەڤانییا جووتیاران و پێشڤەبرنا کەرتێ کشتوکاڵێ دێ ئەولەویەتا سەرەکی یا کارێ وێ بیت د پەرلەمانی دا.
ژبەر خەباتا وێ یا درێژ ل گەل ڕێکخراوێن جڤاکێ سڤیل، ب تایبەتی ل سەر بابەتێن گەنجان و ئافرەتان، دێ تیشکەکا تایبەت دەتە پشتەڤانییا ماف و خواستێن ڤان هەڤپۆلێن گرنگ ل پەرلەمانێ عیراقێ.
د پشکەکا دی یا ئاخفتنێن خۆ دا، رەشا تالب وەهەب جەخت کر کو پارتی دیموکراتی کوردستان چ جاران دابەزینێ ل سەر مافێن خەلکێ خۆ ناکەت و پێدڤیە بەغدا مافێن دەستووری یێن خەلکێ هەرێما کوردستانێ ب جهـ بینیت.”
ل دووماهیێ، بەربژارا ژمارە 20 ل لیستا 275 یا پارتی داخواز ژ دەنگدەرا و ب تایبەتی گەنج و لاوان کر کو دەنگێ خۆ بدەنە لیستا پارتی دیموکراتی کوردستان، چونکی دەنگێتە و بریارا تە هەمی جیاوازییێ دروست دکەت ل پەرلەمانی.”