جێگری وەزیری تەندروستیی ئێران ڕایگەیاند، بەهۆی ئۆتۆمبێلی بێ‌کوالیتیی ناوخۆییەوە ساڵانە ٢٠ هەزار هاووڵاتی دەبنە قوربانی.
دکتۆر عەلیڕەزا ڕەئیسی جەختی لەوە کردەوە، بەرهەمهێنەرانی ئۆتۆمبێلی ناوخۆیی بە بەرهەمهێنانی ئۆتۆمبێلی بێ‌کوالیتی، گیانی هەزاران کەسیان خستووەتە مەترسییەوە؛ هاوکات ئۆتۆمبێلە ناوخۆییەکان بەنزینی زۆر دەسووتێنن و بەوەش گوشاریان خستووەتە سەر ئابووریی بنەماڵەکان. هەروەها گوتی: “هەرچەند لەناو ئەم وڵاتەدا هیچ کەسێک توانای بەرەنگاربوونەوەی ئەم دۆخەی نییە، بەڵام چاکسازی لە پیشەسازیی ئۆتۆمبێلدا پێویستییەکی حاشاهەڵنەگرە.”