مارک ساڤایا، نێردەی تایبەتی ویلایەتە یەکگرتووەکانی ئەمەریکا بۆ عێراق، دوای کۆبوونەوەی لەگەڵ جۆو ویڵسن، ئەندامی کۆنگرێس لە پشکی کۆمارییەکان، پەیامێکی هاوبەشیان بۆ داهاتووی عێراق بڵاو کردەوە و ڕایانگەیاند: “جارێکی دیکە عێراق بەهێز و گەورە دەکەینەوە.”
ئەمڕۆ پێنجشەممە 18/12/2025، ساڤایا لە هەژماری تایبەتیی خۆی، لە تۆڕی كۆمەڵایەتیی (ئێكس) ئاماژەی بەوە کرد کە کۆبوونەوەیەکی نایابیان بۆ تاوتوێکردنی دۆخی عێراق ئەنجام داوە.
لە بەرامبەردا، جۆو ویڵسن پشتیوانیی خۆی بۆ نێردەکەی ترەمپ دەربڕی و جەختی لەسەر ستراتیژێکی نوێ کردەوە کە ئامانج لێی “هێنانە دی خۆشگوزەرانی و ڕزگارکردنی عێراقە لە دەستوەردانەکانی ئێران.”
ویڵسن ئەوەشی خستووەتە ڕوو کە ساڤایا شیاوترین کەسە بۆ جێبەجێکردنی دیدگای دۆناڵد ترەمپ، سەرۆكی ئەمەریكا، لە عێراقدا.