بەڕێوەبەرایەتی گشتی کشتوکاڵی دهۆک رایگەیاند، پڕۆسەی هەناردەکردنی بەرهەمی ناوخۆیی بۆ دەرەوەی وڵات گەشەکردنێکی بەرچاوی بەخۆوە بینیوە و تەنها لەمساڵدا زیاتر لە هەزار و 661 تۆن بەرهەم رەوانەی تورکیا و بازاڕەکانی جیهان کراوە.
لەوبارەیەوە ئەحمەد جەمیل، بەڕێوەبەری گشتی کشتوکاڵی دهۆک ئاشکرای کرد، زۆرترین بەرهەمی هەناردەکراو “سماق” بووە کە بڕەکەی گەیشتووەتە هەزار و 589 تۆن، لەگەڵ بڕێکی زۆر لە برنج، فستق و میوەی وشککراو.
هاوکات ئاماژەی بەوەش کرد کە هەناردەی ناوخۆیی بۆ شارەکانی ناوەڕاست و باشووری عێراق گەیشتووەتە سەروو 275 هەزار تۆن.
هەناردەی بەرهەمەکان بە داتا:
🔹برنجی كوردی: 71 تۆن.
🔹سماق: هەزار و 589 تۆن.
🔹هەنجیری وشككراو: 150 كیلۆگرام.
🔹مێوژ: 250 كیلۆگرام.
🔹فستق: هەزار و 250 كیلۆگرام.