ئیڤان حهسیب، میدیاكار له ڕۆژئاواى كوردستان، له ههژمارى تایبهتى خۆى بڵاوی كردهوه: “کۆمپانیای (Arasat) کە گەورەترین تۆڕی دووبارە پەخشکردنەوەی تەلەفزیۆنییە لە باکوور و ڕۆژهەڵاتی سووریا، ڕایگەیاند، پەخشی کەناڵەکانی (العربیه) و (الحدث) و (الجزیره) بە شێوەیەکی کۆتایی لەسەر پلاتفۆرمەکەی ڕادەگرێت”.
بهپێی زانیارییهكانى ئهو میدیاكاره، كۆمپانیاكه ههروهها ڕایگەیاندووە: “ئەم بڕیارە لە ئەنجامی پێشێلکردنی سیاسەتی پەخشی پەسەندکراوی کۆمپانیاکە لەلایەن ئەم کەناڵانەوە دێت، بەهۆی ئەوەی ناوەڕۆکێکی میدیایییان تێدایە کە بێلایەنی و بابەتیبوونی تێدا نییە، و داوای هاندان و دابەشبوون و نانەوەی فیتنە لە نێوان پێکهاتەکانی کۆمەڵگەدا دەکەن”.
کۆمپانیای (Arasat) جەخت دەکاتەوە کە هەر کەناڵێکی میدیایی داوای دابەشبوون یان هاندانى بکات، دەستبەجێ ڕادەگیرێت، و کۆمپانیاکە بە هیچ شێوەیەک نابێتە هاوبەش لە دروستکردنی فیتنە لە ناو کۆمەڵگەکەماندا.
كۆمپانیاكه دهشڵێت: “ئێمە بڕوامان وایە کە هەموو پێکهاتەکانی کۆمەڵگە یەک دڵ و یەک دەستن، برایەتی و خۆشەویستی کۆمان دەکاتەوە، و بۆ سەدان ساڵە پێکەوە لەسەر بنەمای ڕێزگرتن و پێکەوەژیان ژیاوین، و ئەم بەهایانە وەک کۆڵەکەیەکی سەرەکی لە سیاسەتی پەخشی ئێمەدا دەمێننەوە، لەبەر ئەوە، ئەم بڕیارە لە پێناو پاراستنی متمانە، پاراستنی ئاشتی کۆمەڵایەتی، و ڕێزگرتن لە هۆشیاریی بینەر دراوە”.