کۆمسیۆنی باڵای پەنابەرانی سەر بە نەتەوە یەکگرتووەکان ڕایگەیاند، هەموو کار و چالاکییەکانی لە کەمپی هۆل لە ڕۆژئاوای شاری حەسەکە ڕاگرتووە.
بەگوێرەی کۆمسیۆنی پەنابەران، ئەم بڕیارە دوای ئەوە دێت خۆپیشاندانێک لە بەردەم دەرگای سەرەکیی کەمپەکەدا دروست بوو و ژمارەیەک لە دانیشتووانی نێو کەمپەکە هێرشیان کردە سەر شوێنی مانەوەی کارمەندەکانیان.
ڕۆژی ٢١ی مانگی ڕابردوو، بەڕێوەبەرایەتیی خۆسەر بەتەواوی دەستی لە دۆسیەی کەمپی هۆل هەڵگرت و دواتر کەمپەکە کەوتە دەست هێزەکانی سەر بە حکوومەتی سووریا.