نوری مالیکی، سەرۆکی هاوپەیمانیی دەوڵەتی یاسا، جەختی کردەوە کە عێراق توانای ئەوەی هەیە بە جێگیری بەرەو سەقامگیری و ئاوەدانکردنەوە و چاکسازی هەنگاو بنێت.
مالیکی لە پۆستێکدا لە هەژماری خۆی لە سۆشیاڵ میدیای “X” بڵاوی کردووەتەوە، ڕایگەیاند: “مانگی ڕەمەزان لە گەلی عێراقی ئازیز پیرۆز بێت، داواکارین لە خودا ئەم مانگە پیرۆزە ببێتە وێستگەیەک بۆ بەهێزکردنی یەکڕیزی نیشتمانیمان و چەسپاندنی بەهاکانی هاوپشتی و پشتگیریکردنی یەکتر لەنێوان ڕۆڵەکانی یەک نیشتماندا.”
هەروەها ڕوونی کردەوە: “عێراق کە بە خوێنی شەهیدان و قوربانییەکانی ڕۆڵەکانی بەسەر تێرۆردا سەرکەوت، دەتوانێت بە جێگیری بەرەو سەقامگیری و ئاوەدانکردنەوە و چاکسازی هەنگاو بنێت.”