باسم عەوادی، گوتەبێژی حکوومەتی عێراق لە راگەیەندراوێکدا ئاشکرای کرد، بە خەم و پەژارەیەکی قووڵەوە سەرەخۆشی خۆمان ئاراستەی خەڵکی ئێران بە هۆی کوژرانی ئایەتوڵڵا سەید عەلی خامنەیی دەکەین.
ئاماژەی بەوەشکردووە، ئەمە کردەیە پێشێلکارییەکی ڕوونی یاسا و ڕێککەوتننامە نێودەوڵەتییەکانە.
لە راگەیەندراوەکەدا هاتووە، خامنەیی بەرگری لە میللەتەکەی دەکرد لە دژی نادادپەروەری و ستەمکاری، بەدوای ڕێگای حەقیقەتدا دەگەڕا و هەوڵی دەدا بۆ خزمەتکردنی دۆزی ئومەتی موسڵمانان و هەموو مرۆڤایەتی.
لەو چوارچێوەیەشدا عێراق داوای جددی خۆی بۆ وەستاندنی دەستبەجێ و بێ مەرجی ئۆپەراسیۆن و کردەوە سەربازییەکان دووپات دەکاتەوە کە ناوچەکە بەرەو ئاستێکی زیاتری توندوتیژی دەبات، هەروەها زیاتر گڕ لە ململانێکان بەردەدەن و ئاشتی و ئاسایشی نێودەوڵەتی تێکدەدەن.
هەروەها حکوومەتی عێراق سێ ڕۆژ ماتەمینی نیشتمانی لە سەرتاسەری عێراق ڕادەگەیەنێت.