مازن عەلوش، بەڕێوەبەری پەیوەندییەکانی دەستەی گشتیی دەروازە سنوورییەکان ڕایگەیاند، دوای هێرشەکانی ئەمریکا و ئیسرائیل بۆ سەر ئێران و باشووری لوبنان، هەزاران پەنابەری سووری گەڕاونەتەوە وڵاتەکەیان. ناوبراو ئاماژەی بەوە کرد کە تەنیا لە ٧٢ کاتژمێری ڕابردوودا، زیاتر لە ٢٥ هەزار پەنابەر لە ڕێگەی دەروازەی سنووریی “جدەیدەت یابوس”ەوە چوونەتە ناو خاکی سووریا. عەلوش جەختی کردەوە کە تیمەکانی سەر سنوور پێشوازییان لەو پەنابەرانە کردووە و خزمەتگوزاری و پێداویستییە سەرەتاییەکانیان بۆ دابین کردوون.