ئیدارەی پارێزگای دیمەشقی پایتەختی سووریا لە راگەیەندراوێکدا قەدەغەی فرۆشتنی خواردنەوە کحولییەکان لە یانە و چێشتخانە و هۆتێەلەکان دەکات، تەنیا لە ناوچە کریستیان نشینەکان خواردنەوەی کحولی دەفرۆشرێت.
لەبارەی هۆکاری قەدەغەی پێشکەشکردنی خواردنەوە کحولییەکان لە دیمەشق، پارێزگاری شارەکە دەڵێت؛ سکاڵای زۆرمان بۆ هاتووە لە دانیشتووانی شارەکەوە و لە پێناو ئادابی گشتی ئەو بڕیارەیان دەرکردووە، خواردنەوەی کحولی تەنیا لە گەڕەکەکانی باب تۆما، قەساع و باب شەرقی لە دیمەشق دەفرۆشرێن کە زۆرینە کریستیانن.
ئاماژەی بەوەشکرد، ماوەی سێ مانگیش بە خاوەن دووکانی خواردنەوە کحولییەکان دراوە پابەندی بڕیارەکە بن.