تیمی گەشتی ئارتیمیس2 پێش تێپەڕینیان بەسەر مانگدا وێنەیەکی سەرسووڕهێنەری زەوی دەگرن کە تێیدا زەوی زۆر بچووک دەردەکەوێت.
لە ٥ی نیسانی ٢٠٢٦، لە چوارەمین ڕۆژی گەشتی “ئارتیمیس ٢” بەرەو مانگ ، زەوی لە ڕێگەی پەنجەرەیەکی کەشتیی ئاسمانیی ئۆریۆنەوە دەبینرێت.
وێنەکە، کە ڕۆژی یەکشەممە لەلایەن ناساوە بڵاوکرایەوە، تەنها کەوانەیەکی تەنکی ڕووناکبووەوەی زەوی (وەک هیلال) نیشان دەدات کە لە پەنجەرەی کەشتیی ئاسمانیی ئۆریۆنەوە دەردەکەوێت.
ناسا لە پۆستێکدا لە پلاتفۆرمی X ڕایگەیاند: “دواین نیگای زەوی پێش ئەوەی بگەینە مانگ.”
تیمی ئارتیمیس ٢ کە پێکهاتوون لە چوار كهشتیوان ههریهك له (ڕید وایزمان، ڤیکتۆر گڵۆڤەر، کریستینا کۆک) و كهشتیوانی ئاژانسی بۆشایی ئاسمانی کەنەدا (جێرمی هانسن)، لە کارەکانیان لە ناو کەشتیی ئاسمانیی ئۆریۆن بەردەوامن.
هاوکات لەگەڵ ئەنجامدانی تاقیکردنەوە بۆ “سیستەمی جلی ڕزگاربوونی تیمی ئۆریۆن”، تیمەکە خۆیان بۆ تێپەڕین بەسەر مانگدا ئامادە دەکەن کە بڕیارە ڕۆژی دووشەممە ٦ی نیسان ئەنجام بدرێت؛ ئەمەش پێداچوونەوە بە ئامانجە زانستییە کۆتاییەکان و ئامادەکاری بۆ دواین قۆناغی سووتاندنی بزوێنەر بۆ ڕاستکردنەوەی ڕێڕەوی بەرەو مانگ دەگرێتەوە.
NASA