لە ساڵانی ڕابردوودا بەهۆی ئۆفسایدەوە کێشەی گەورە دەکەوتە بەردەم فیفا،دوای هاتنی ڤاریش هێشتا کێشەکان چارەسەری تەواوەتیان نەبوو،بەڵام بۆ یەکەمین جار لەمێژوودا یاسایەکی نوێی ئۆفساید جێبەجێکرا،کە ئەم یاسایە گۆڕانکاری بنەڕەتی لەچەند خاڵ و بەندێکی تۆپی پێدا دەکات و دەبێتە وەچەرخانێکی گەورە لە مێژووی تۆپی پێ.
لەخولی نایابی کەنەدی و لەیاری نێوان هالیفاکس و پاسیفیک،یاسای بۆشایی ئۆفساید جێبەجێکرا،کە لەسەر پێشنیاری ئارسن ڤینگەری گەورە ڕاهێنەری فەڕەنسی پێشنیار کرا بوو،بەهەماهەنگی فیفا و لیژنەی یاسادانانی تۆپی پێ بۆ یەکەمین جار تاقیکرایەوە،لە یاریەکەدا گۆڵێک تۆمار کرا،کە بەپێی یاسای پێشوو ئۆفساید بوو،بەڵام یاسا نوێکە کاری پێکرا و هەژمار کرا.
یاساکە دەڵێت؛یاریزان دەبێت بە تەواوی لەشی یاریزانەکەی تیپی بەرامبەر تێپەڕێنێت و بۆشایی بکەوێتە نێوانیان ئینجا ئۆفساید هەژمار دەکرێت،بەم شێوەیەش یاساکە کاریگەری تەواوی دەبێت لەسەر یاری کردنی تیپەکان و شێوازی تۆپی پێ بەشێوەیەکی بەرچاو دەگۆڕێت.
“سەرکار ڕێبوار”