باڵوێزخانەی فەرەنسا لە عێراق لەبارەی هێرشکردنە سەر کێڵگەی غازی کۆرمۆر هاتە دەنگ و پاڵپشتیی خۆی بۆ حکوومەتەکانی عێراق و هەرێمی کوردستان دووپات دەکاتەوە.
لە بەیاننامەکەی باڵوێزخانەی فەرەنسا هاتووە: “فەرەنسا بە توندی سەرکۆنەی هێرشی دوێنێ ئێوارە لە کوردستانی عێراق دژی کێڵگەی غازی کۆرمۆر دەکات، کە بووە هۆی لێکەوتنەوەی چەندین قوربانی مەدەنی و زیانی گەورەی ماددی.”
ئاماژە بەوەش دراوە: “فەرەنسا سەرەخۆشی ئاراستەی خێزانی قوربانییەکانی هێرشەکە دەکات و هیوای چاکبوونەوەی خێراش بۆ بریندارەکان دەخوازێت.”
هەروەها باڵوێزخانەی فەرەنسا راشیگەیاندووە: “فەرەنسا هاوسۆزی خۆی بۆ دەسەڵاتدارانی هەرێمی کوردستان دەردەبرێت و ئاماژەش بە رێزگرتن لە سەرجەم ژێرخانی وزە دەکات کە لە بەرژەوەندی تەواوی کۆمەڵانی خەڵکی عێراق دان.”
ئەوەش خراوەتە روو: “فەرەنسا پاڵپشتیی خۆی بۆ حکوومەتەکانی عێراق و هەرێمی کوردستان دووپات دەکاتەوە بۆ سەقامگیریی و سەبەخۆیی و سەروەری عێراق.”