بەردەوامی گرژییەکان نرخی زێڕی لە ئاستێکی نوێدا جێگیر کرد

​ئەمڕۆ، بازاڕەکانی زێڕ گۆڕانکاری نوێیان بەخۆوە بینی و نرخەکان لەژێر کاریگەری ئاڵۆزییە سیاسییەکان و دۆخی ئابووری جیهانیدا بەرزبوونەوەیەکی تریان تۆمار کرد، ئەمەش وەک کاردانەوەیەک بۆ بەرز مانەوەی نرخی نەوت و کاریگەرییەکانی لەسەر ئاستی هەڵاوسان.
​لە بازاڕە جیهانییەکاندا نرخی یەک کیلۆگرام زێڕ گەیشتە 151,126.51 دۆلار، هەروەها نرخی هەر ئۆنسەیەک زێڕ بۆ 4,700.56 دۆلار بەرزبووەتەوە، لە کاتێکدا نرخی یەک گرام زێڕ بە 151.13 دۆلار مامەڵەی پێوە دەکرێت.
​ئەم گۆڕانکارییانە پەیوەستن بە بەردەوامی ناکۆکییەکانی نێوان ئێران و ئەمریکا، کە وایکردووە نرخەکانی نەوت لە ئاستێکی بەرزدا بمێننەوە و هیچ بوارێک بۆ دابەزینی هەڵاوسان نەمێنێتەوە. بەرزبوونەوەی هەڵاوسانیش بەو پێیەی بە تووندی کاریگەری لەسەر سیاسەتی نەختی بانکی ناوەندی ئەمریکا دروست دەکات، کاریگەری ڕاستەوخۆی لەسەر بەهای زێڕ هەبووە.
​لە بازاڕەکانی ناوخۆشدا و بەپێی نرخی فەرمی سەندیکای زێڕنگران، نرخی عەیارەکان بەم شێوەیە جێگیر بوون؛ عەیار 22 بە 1,045,651 دینار مامەڵەی پێوە دەکرێت، عەیار 21 بە 998,122 دینارە و عەیار 18 بە 855,533 دینار لە بازاڕەکاندا دەفرۆشرێت.