کەشناسی : ئاسمان نیمچە هەور دەبێت و پلەکانی گەرما سەقامگیرن

بەڕێوەبەرایەتیی گشتیی کەشناسی و بوومەلەرزەزانیی هەرێمی کوردستان، ڕاپۆرتی پێشبینیی کەشوهەوای بۆ 48 کاتژمێری داهاتوو بڵاوکردەوە، کە تێیدا هاتووە ئاسمانی ناوچە جیاجیاکانی هەرێم لە نێوان پەڵە هەور و نیمچە هەوردا دەبێت و گۆڕانکارییەکی ئەوتۆ لە پلەکانی گەرمادا ڕوونادات.

کەشوهەوای ئەمڕۆ هەینی (23-10-2026):
کەشناسی ئاماژەی بەوە کردووە کە لە ماوەی ئەمڕۆدا، ئاسمانی هەرێم لەنێوان نیمچە هەور و پەڵە هەوردا دەبێت. خێرایی با لەسەرخۆ بۆ مامناوەند دەبێت و لە نێوان (10-20) کم/ک و بە ئاراستەی باکووری خۆرئاوا چالاک دەبێت، هاوکات مەودای بینین لەنێوان (7 بۆ 9) کیلۆمەتردا دەبێت. پلەکانی گەرماش هاوشێوە و نزیک دەبن لە تۆمارکراوەکانی دوێنێ.

لەسەر ئاستی پارێزگا و ناوچە جیاجیاکان، بەرزترین پلەکانی گەرمای پێشبینیکراوی ئەمڕۆ بەم شێوەیەیە: گەرمیان بە 34 پلە بەرزترین و حاجی ئۆمەران بە 17 پلە نزمترین پلەی گەرمایان دەبێت. هەروەها چەمچەماڵ و زاخۆ 30 پلە، هەولێر، هەڵەبجە و ئاکرێ 29 پلە، دهۆک 28 پلە، سلێمانی 27 پلە و پیرمام 26 پلەی سیلیزی دەبن.

کەشوهەوای سبەی شەممە (24-10-2026):
بۆ سبەی شەممە، پێشبینی دەکرێت ئاسمان بە هەمان شێوە لە نێوان پەڵە هەور و نیمچە هەوردا بمێنێتەوە. خێرایی با لە نێوان (10-20) کم/ک بە ئاراستەی باکووری خۆرئاوا بەردەوام دەبێت. مەودای بینین کەمێک باشتر دەبێت و دەگاتە (8 بۆ 10) کیلۆمەتر، پلەکانی گەرمای پێشبینیکراویش تا ڕادەیەک هاوشێوەی پلەکانی ئەمڕۆ جێگیر دەبن.

سەبارەت بە پلەکانی گەرمای سبەی شەممە؛ گەرمیان لەسەر هەمان ئاستی خۆی بە 34 پلە دەمێنێتەوە و حاجی ئۆمەرانیش 17 پلە دەبێت. هەریەکە لە هەولێر، هەڵەبجە، چەمچەماڵ و زاخۆ 30 پلەی سیلیزی تۆماردەکەن، لە کاتێکدا دهۆک و ئاکرێ 29 پلە، سلێمانی 28 پلە و پیرمام 26 پلەی سیلیزی دەبێت.