عێراق.. پشووی فه‌رمیی جه‌ژنی قوربان ڕاگه‌یندرا

ئه‌مڕۆ سێشه‌ممه‌ 4ی 6ی 2024، حكوومه‌تی عێراق، پشووی فه‌رمیی جه‌ژنی قوربانیی ڕاگه‌یاند.

ڕۆژنامه‌ی (سه‌باح) بڵاوی كرده‌وه‌، كه‌ له‌سه‌ر بڕیاری محه‌مه‌د شیاع سوودانی، سه‌رۆك وه‌زیرانی عێراق، پشووی جه‌ژنی قوربان ڕاگه‌یاندرا.

ڕۆژنامه‌كه‌ ئه‌وه‌ی خستووه‌ته‌ ڕوو، كه‌ ئه‌و پشووه‌ له‌ ڕۆژی یه‌كشه‌ممه‌ 16ی 6ی 2024ه‌وه‌ ده‌ست پێده‌كات، تاكوو ڕۆژی پێنجشه‌ممه‌ 20ی 6ی 2024 كۆتایی پێ دێت و له‌ ڕۆژی یه‌كشه‌ممه‌ 23ی 6ی 2024، ده‌وام له‌ داموده‌زگاكانی حكوومه‌تی عێراق ده‌ست پێده‌كاته‌وه‌.