ئاژانسی هەواڵی زاگرۆس

چوار ئەندامی خێزانێکی دیکەی ڕاپەڕین لە یەختە نقوومبووەکەی ئیتاڵیادا خنکاون

چوار ئەندامی خێزانێکی دیکەی سنووری ئیدارەی ڕاپەڕین لە یەختە نقومبووەکەی ئیتاڵیادا چارەنووسیان دەرکەوت و خنکاون.

ئەندامانی خێزانە خنکاوەکە پێك دێن لە، ھەژار مەولوود، پیشەی پۆلیس بوو لە پۆلیسی ڕاپەڕین و ماڵیان لە سەرکەپکان بووە، ھاوکات لەگەڵ هاوسەرەكەی بە ناوی (سازگار حوسێن)، دوو کوڕیشی کە ناویان (محەمەد و مەڕوان) بوو.

پۆلیسی ڕاپەڕین ھەواڵەکەی پشتڕاست کردووەتەوە و ئاماژەی بەوە داوە، کە جگە لەو چوار کەسە، چارەنووسی گەنجێکی دیکەش بە ناوی ھەردی کارۆخ ئاشكرا بووە، کە خەڵکی گوندی (میکوک)ی ناحیەی (سەركەپكان)ە و خنكاوە.

جگە لەوانە، چارەنووسی خێزانێكی دیكە لە سنووری قەزای (پشدەر)ی ئیدارەی ڕاپەڕین، ئاشكرا بوو و ئەمڕۆ چوارشەممە كەسوكارەكەیان ڕاگەیاندراوێکیان بڵاو کردەوە کە ھەریەکە لە (ئارام عەبدولرحمان) و (خونچە مەلا نەبی)ی هاوسەری و (مەنسا ئارام و مەیلی ئارام )ی منداڵەکانی، لە ڕووداوەکەی نقومبوونی یەختەکە لە ئیتاڵیا خنکاون، هەر ئەمڕۆ پرسەیان لە شارۆچکەی قەڵادزێ بۆ دادەنرێت.

هەواڵی پەیوەندیدار

سه‌رۆك بارزانی به‌و شێوه‌یه‌ باسی ڕاپه‌ڕینی 1991 ده‌كات

یاسین

نرخى نەوت لە بازاڕەکانی جیهاندا بەرزبونەوەى بەرچاوى تۆمار کرد

سەڵاح

پێشەوا هەورامی : ئەگەر قوباد تالەبانی داوایی جیاكردنەوەی پشكی سلێمانی نەكردبا كێشەی مووچە دروست نەدەبوو

گوران