مەسرور بارزانی سەرۆکی حکومەتی هەرێمی کوردستان لە پەیامێكدا بەئامانجكردنی ئیسماعیل هەنییە سەرۆكی مەكتەبی سیاسی حەماس سەركۆنە دەكات و داوا لە هەموو لایەنەکان دەکات گرژییەکانی ئەم دواییە کەم بکەنەوە.
سەرۆكی حكومەت لە هەژماری خۆیدا لە تۆڕی كۆمەڵایەتی (ئێكس) رایگەیاند: بەئامانجکردنی ئیسماعیل هەنییە سەرکۆنە دەکەم و هەر هەوڵێکی ئیستیفزازی بۆ تێکدانی سەقامگیری ناوچەکە ئیدانە دەکەم.
هەروەها دەڵێ: داوا لە هەموو لایەنەکان دەکەم کە گرژییەکانی ئەم دواییە کەم بکەنەوە و گفتوگۆی جددی بکەن بۆ گەڕاندنەوەی سەقامگیری ناوچەکە.
مەسرور بارزانی دووپاتیشی كردووەتەوە: ناوچەکە بەرگەی ناسەقامگیری زیاتر ناگرێت.