وەزیری ناوخۆی حكوومەتی هەرێمی كوردستان، كونسوڵی گشتیی ئەمریكا لە هەولێر، كۆ بوونەوە و باسیان لە پەیوەندیی گرنگی ئەمنیی ویلایەتە یەکگرتووەکان و هەرێمی کوردستان كرد.
ئەمڕۆ سێشەممە 20/8/2024، ڕێبەر ئەحمەد، وەزیری ناوخۆی حكوومەتی هەرێمی كوردستان، لەگەڵ ستیڤ بیتنەر، كونسوڵی گشتیی ئەمریكا لە هەولێر، كۆ بوونەوە، كونسوڵی ئەمریكا پشتیوانیی وڵاتەكەی بۆ هەڵبژاردنێکی ئازاد و دادپەروەرانە و پارێزراو بۆ پەرلەمانی کوردستان دووپات كردەوە.
هەر لە كۆبوونەوەكەدا، باسیان لە پەیوەندیی گرنگی ئەمنیی ویلایەتە یەکگرتووەکان و هەرێمی کوردستان و بەرژەوەندیی هاوبەشیان لە پێشخستنی کۆمەڵگەیەکی مەدەنیی زیندوو و گەشەسەندوو و پێشهاتەکانی ناوچەکە کرد.