وەزارەتی خوێندنی باڵا رایگەیاند، لە ئەمرۆوە زانكۆڵاین بۆ ماوەی 10 رۆژ بۆ دەرچووانی دوانزەیـی ئامادەیی کارا دەکرێت.
لەمبارەیەوە وەزارەتی خوێندنی باڵا و توێژینەوەی زانستی هەرێمی کوردستان رایگەیاند: پڕۆسهی پێشکەشکردن بۆ وهرگرتنی دهرچووانی دوانزهی ئامادهیی له زانكۆكانی هەرێمی كوردستان دەستپێدەکات و لە ئەمرۆ شەممەوە رێکەوتی 21 ی ئەیلول کاتژمێر 12ی نیوەڕۆ، زانكۆڵاین بۆ ماوەی 10 رۆژ بۆ دەرچووانی دوانزەیی ئامادەیی کارا دەکرێت.
ئەوەش هاتووە :وێبسایتی http://www.regayzanko.com بۆ دەرچووانی دوانزەی ئامادەیی زانستی، وێژەیی، پیشەیی، تا بەرواری 30 ی ئەیلول، کارادەبێت و دهرچووان دهتوانن لەو وادەیەدا فۆرمی وهرگرتن له زانكۆ و پهیمانگهكان پڕبكهنهوە و پێشكهشی بكهن.
ئەوەشخراوەتەروو :دهرچووان دهبێت سەردانی خوێندنگەکانی خۆیان بکەن بەمەبەستی وەرگرتنەوەی ناوی بەکارهێنەر و وشەی تێپەڕ.
.