بەرپرسی ڕاگەیاندنی پەرلەمان، ئاشكرای كرد، هیچ دانیشتنێكی پەرلەمانی كوردستان بۆ هەڵبژاردنی دەستەی سەرۆكایەتیی پەرلەمان لە ئارادا نییە.
ئەمڕۆ یەكشەممە 8/12/2024، سامان ئەحمەد بەكر، بەرپرسی ڕاگەیاندنی پەرلەمانی کوردستان ڕایگەیاند: بە نسبەت ئەو بانگهێشتكردنەی سەرۆكی كاتیی دانیشتنی پەرلەمانی كوردستان بۆ پەرلەمانتاران، ئێمە هیچ لێی ئاگەدار نین و دیوانیش ئاگەدار نیە، بانگهێشتكردن و بەرنامەی كار ڕێكاری یاسایی و پەیڕەویی خۆی هەیە، وەكوو ڕاگەیاندنی پەرلەمان تاكە لایەنین بۆ بڵاوكردنەوەی بەرنامەی كار و بانگهێشتكردن، پێمان وایە هەڵبژاردنی دەستەی سەرۆكایەتیی پەرلەمان، بەبێ ڕێكەوتنی لایەنە سیاسییەكان بەڕێوە ناچێ.